قولو الله يا رجال

ياحسرة على الدنيا الحلوة زمان

عارف روحي ديما مركبلكم الضغط بحسراتي المتكررة

وعارف ان الأدرينالين ديما في مواضيعي مرتفع لدرجة لاتوصف

لكن تحملوني شوية .. فهيا حسرات تأبى إلا أن تخرج للعلن

بدينا لما نتجولوا في شوارعنا وأزقتنا نشوفوا في حاجات من شبابنا تشيب قبل الأوان

المظهر العام وما ادراك ما المظهر العام

بدي عادي تشوف شاب واقف قدام بيتهم وبكل صفاقة لابس شورت قصير فقط لاغير
يكشف أكثر مما يخفي ومتجاوز ركبته للأعلى وكيف فايق من النوم ويحك في
عيونه .. وعادي لو شافه بوه أو أمه أو أخته بهذا الشكل .. شيئ يبغدد

بدي عادي تلقى شاب مطول شعره في تشبه بالفنان هذاكا أو لاعب الكورة
الفلاني وحاط عليه نصف كيلو كريم مرطب .. ورايح يلمع من بعيد .. تقول
مداير دعاية للفيــــــــــــري

بدي عادي تشوف شاب لابس ( سلسلة ) في رقبته ويخش بيها لبيتهم ويطلع وتحت أنظار والديه .. شني خلا لأخته مش عارف

بدي عادي تشوف الشاب الصبح ماشي للجامعة وهوا لابس قميص .مفتوح الأزرار من فوق وكاشف صدره للجميع

( زمان الصحابة يفتحوا في صدورهم للسيوف وأنت لمني تفتحي ياسي الذ ........)

بدي عادي تشوف شاب لابس بنطلون ضيق جداً ومتساقط من الخلف في تحدي واضح لأدبيات ديننا الحنيف

(لوين يبي يوصل مش عارف )

بدي عادي تشوف شاب لابس قميص ( تي شيرت) من غير أكمام في استعراض علني
قدام بيتهم .. حتى سلفستر ستالون طاحت موضته في مني يقلد مش عارف

وتلقى ذاك القميص معبي جمل أجنبية .. شني هيا الرسالة اللي يبي يبعثها مش عارف

بدي عادي تشوف شاب حاط سماعات في وذنه ويسمع في موسيقى وكأنه من عالم ثاني
.. ونسي أن أهم أدبيات الطريق إفشاء السلام ورده على المارة

الإشكالية يسمع أذان المغرب أو العشاء ولاحياة لمن ينادي

( لأنهم مايطلعوش إلا بعد طياح الشمس .. البشرة ياعمـــــــــو )

بدي عادي لما تلقا الشاب يغير هوا وأخته في الأغاني والأفلام .. لأن الحياء خلاص عفسنا عليه بالرجلين

منقـــول

بدي عادي تشوف شاب لابس ( سلسلة ) في رقبته ويخش بيها لبيتهم ويطلع وتحت أنظار والديه .. شني خلا لأخته مش عارف

______________

هادي مش عارف

أني معاش شفتها هلبااااااا

والحمد لله على نعمة الإســلام

يعطيك العافيه على الطرح الرااائع

لا أريــد ان اقــــول الا ربنــاا اهــدي شبــاب اليـــوووم وشبـــاب الغـــد
اهديهــــم الــي الصــــراط المستقيــــــم

وارشــدهـــــم الطـرييــق الصحيـــــــح

●●

بــــــــــارك الله فيــــــك

علــــي المــــوضــــوع الــرائــع

دمــــــت بخيــــــر

فــي حفـــــظ الله ..*

اللهم لا تؤاخذنا بما فعل السفهاء منا
اللهم ما اهدنا الصراط المستقيم وتبثنا عليه الى يوم الدين